可樂飲完仲可以食埋個樽

大熱天時飲支冰凍可口可樂真係誇張啲講句暑氣全消，如果個樽變埋冰樽，噢，真係透心涼呀！呢支冰可樂真有其事，不過只限哥倫比亞沙灘有得賣，冰樽經過零下 25度急凍處理，保證你由入口至飲晒嗰一刻，個樽都係超冰凍，飲完仲可以食埋個樽，夠晒環保。難怪1小時火速賣走265樽，仲攞埋多項廣告獎，幾時送到嚟 香港呀？

民建聯微電影《低頭》 成功爭取史上最多dislike?

民建聯推出首部微電影《低頭》，7月2日上載其39秒的宣傳片，而接近15分鐘的完整版亦於昨日(3日)上載，前者有逾六千人觀看，但有17個「喜歡」， 二千多人「不喜歡」；後者則有逾三百人觀看，但已經有逾40個「喜歡」和接近二千個「不喜歡」，有網友揚言：「未睇已負評」，「Athena」諷刺道： 「民建聯成功爭取YouTube史上最長dislike bar」，更有網友認為此片段是繼樂壇小強阮民安的《Tommy Dragon》，得到最多負評的片段。
　　《低頭》講述香港年輕「低頭族」，因過度沉迷於網絡世界而忽略人與人之間的關係(包括家庭和工作)，一條故事主線，穿插著民建聯家庭事務委員會主席、 精神科醫生、社工和立法會議員蔣麗芸的訪問片段，片末亦加插中學生討論議題的片段。不少網友炮轟這微電影，「NumberG17」認為「成日彈條友出嚟做 分析，這是鏗鏘集定新聞透視?」；「monschiu 36」則認為訪問破壞流暢度，而微電影沒有故事性可言，「短片當電影，是失敗中嘅失敗」。

      

         有網友認為短片「非常反映現實」，不過「Herbert」質疑這部微電影的用意，「想打救隱青？但係刻意描繪到隱青係被世界遺棄嘅一個族群，咁佢地又點解有興趣等你打救？如果想反映現狀？內容又非常偏頗，只反映到最極端既例子」。

　　雖然這部微電影負評如潮，但其名字《低頭》則受到好評。「Jansen」認為「這個名片好切合呢個黨的態度」，「sherman」認為「低頭即係代表 視而不見。社會嘅部份不公義都係你哋(民建聯)造成」；「KurskHK.net時事台」認為「劉江華跟雷曼苦主說『民建聯一定會為大家撐到底』。結果， 不知甚麼原因，他們低頭了，他們在立法會投票否決成立獨立委員會調查雷曼事件」。不少網友都舉出民建聯的「低頭」事例，最多人提及的是本周發生的，民建聯 在立法會支持在屯門擴建堆填區，「Alice」表示「經過今次你地一邊全力反對一邊成功爭取屯門堆填區，連50後都知你地講一套做一套」， 「ladgfaugdfuuyggaogfoa」更表示「屯門人是不會向你(民建聯)低頭」。 

黃紫盈喊

上月27日傍晚近六點嗰陣，無綫互動新聞台主播黃紫盈，於報道曼德拉近況時，提到曼德拉未有好轉，現任總統祖馬留喺國內，取消出訪鄰國莫桑比克。講到呢度，黃紫盈抿一抿唇，兩眼更紅，眼淚終於忍唔住跌咗落嚟，聲線亦變得顫抖…

 
唔少網民都關心紫盈，有人話佢因為曼德拉病情而哭，但都有人就話，紫盈報道曼德拉病情前，兩眼已經紅晒，可能係之前發生咗啲事，令紫盈報道新聞時，已經熱淚盈眶。亦有人估計，紫盈係咪俾老闆鬧呢？

講開紫盈，今年25歲，做天氣女郎嗰陣已經好搶眼，加上五官標緻，好快成為宅男女神，佢嘅相仲喺討論區上瘋傳添。紫盈來頭亦都唔細，中大新聞系畢業，又到過日本留學，所以當時佢都盡力保持專業，點都講埋篇新聞先。

唔知紫盈心情o依家平伏番未呢？